حدائق اللوتس الأفضل
أهلاً بك معنا
إن أحببتنا فكن معنا وبيننا, وإن كنت عابر سبيل
فلا تستر ما رأيت منّا

انضم إلى المنتدى ، فالأمر سريع وسهل

حدائق اللوتس الأفضل
أهلاً بك معنا
إن أحببتنا فكن معنا وبيننا, وإن كنت عابر سبيل
فلا تستر ما رأيت منّا
حدائق اللوتس الأفضل
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ثقافي اجتماعي أدبي علمي ترفيهي



أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

من وصايا أبي أحمد قرقور رحمة الله عليه

4 مشترك

اذهب الى الأسفل  رسالة [صفحة 1 من اصل 1]

لوتس

لوتس
المدير العام
المدير العام

نصيحة إلى ولدي


دقت بحياتي من حلو ومرّ الزمان 
عشت بغنى وفقر وعشت بعنفوان 


طلعت بنتيجة من خلال التجربة 
الصحة السليمة  ثروة الإنسان
 
شو بينفعك مالك إذا عمي البصر 
ولّا جفاك السمع ولاذيتك هجر


وما عدت تقشع حَسَن ولا تسمع وتر
ولا تشعر بأنس الوليفة والمكان

لوتس

لوتس
المدير العام
المدير العام

ويلك إذا أعصابك أتى عليها الشلل 
وأصبحت مقعد ؛ لا حراك ولا عمل


وبقيت على هالحال وامتد الأجل 
بتشوف من ظلم الأهل ألوان


الكانت على صدرك تدغدغ خدها 
بغنج ودلال وكلمة منك بدها 


ما تعود تبدي غير نشوزها وصدها
وحب الجمع بينتكن كأنه ما كان 


وإن كنت باصحة السليمة ممتلي 
بتّم فوق عرش السعادة معتلي


وساعة  ما تنده بين ربعك يا هلي 
بيجوك متل دياب ع القطعان 

لوتس

لوتس
المدير العام
المدير العام

يا ابني الصحة ابذل مالك دونها
مافي سعادة بالحياة بدونها 


كي تحفظها من الأذى وتصونها 
اسمع مني بطل الدخان


وبكير نام ومع الفجر فيق
قهوة لاتشرب بالأبد ع الريق


خلي العسل لمعدتك رفيق 
واشرب منه كل يوم فنجان


ولا تكتر من اكول اللحم 
بيرتاح كبدك مع جهاز الهضم


كترو يولد الدهون بالدم 
والدهون بتصلب الشريان


يتبع

لوتس

لوتس
المدير العام
المدير العام

من وصايا أبي أحمد قرقور رحمة الله عليه 1012146_278621905646716_1433314259_n

أبو الفداء

أبو الفداء
مشرف حديقة الأديان والمعتقدات
مشرف حديقة الأديان والمعتقدات

متابعون ....


جزاك الله خيرا 

لوتس

لوتس
المدير العام
المدير العام

اجعل طعامك من نبات الأرض 
اطحن بضرسك ولا تقرض قرض


غسْل اليدين قبل الطعام عليك فرض
وبعد الطعام لنظافتك عنوان


وإن كلت  انهاض قبل ما تشبع 
وإياك طعام على طعام تجمع


للقلب أهنا وللهضم أسرع 
والكبد بيبقى من الخلل منصان 


والماء مصّه واللبن غبّه 
هلكوا الذين بطونهم عبّوا 
وتناولوا من الطعام ألوان



يتبع

لوتس

لوتس
المدير العام
المدير العام

والغار خليه مع طبيخك دوم 
بيحميك من نفخ البطن وغموم

وعليك بأكل البصل والتوم
دمك بينقى وبيسلم الشريان 

اشوي السمك لينقطع سمه
والطير كلو ولو مغمّس بدمه

ما مرض يللي اعتنى بتمه 
وصبح ومسا نظف الأسنان

لوتس

لوتس
المدير العام
المدير العام

من وصايا أبي أحمد قرقور رحمة الله عليه 1900049_278837442291829_867974144_n

لوتس

لوتس
المدير العام
المدير العام

والبرد يا ابني احترس منه بأولو
كل العلل أسبابها بترجع الو

فعلو بجسمنا متل فعلو بالشجر 
اولو محرق بسبّب آلام وضرر

وبآخره بيعطي براعم وزهر
ونسمات لطيفة بتنعش الأبدان

اعط لجسمك طاقة من أكل الحلو 
وكن معتدل بعشرة النسوان

وبالصيف راسك بالبياض غطيه 
حتى الشمس مابحرّها تئذيه

وقدمك يا ابني بالشتا دفيه
حتى البرد م يخشلك مصران

لوتس

لوتس
المدير العام
المدير العام

وإن ردتْ  تحفظ جسمك من الحيف 
وتعيش بصحة سالمة وبكيف 

طعام الشتا لا تاكله بالصيف
والداء بضره عالجه بينهان 

وخمرة لا تشرب بالأبد يا ابني
ومهما دعوك محضرها لاتدني 

إن شربت منها جسمك بتضني 
وبتبوء بالأمراض والخسران

هذي نصيحتي لا تضيّعها 
اعمل بها بتجني منافعها

قضيت عمري وأنا اجمعها 
واقطفها ، كل زهرة من بستان

أبو الحسن


المشرف العام
المشرف العام

وصايا رائعة جداً ..كتير عجبتني شكراً الك ست لوتس و رحمة الله على من كتبها

بيلسان



ايمت توفى !! الله يرحمو ويجعل الجنة مسكنو

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى