كوردون بلو

   " />

مرحبا ..
اكلة اليوم طيبة كتير  بس بدا اكتر من خطوة
المقادير
شرحات دجاج فطر , درة ,جبنة

الطريقة : منحط قطعة الفروج بقلبا فطر ودرة وجبنة ( شوي ما بدا كتير ) (والحشوة اختيارية)
منلفا للقطعة ومنسكرا بأعودا الاسنان  ومنلتا بطحين  وبيض وكعك
ومنقليا ومنحطا عجنب
منحضر صلصة البشاميل وطريقتا : منحمص ملعقة طحين بزبدة  ومنحط كاسة مي لكل ملعقة طحين (البشاميل ممكن تنعمل بالمي  او بالحليب)
منحط شوية فطر  ومنضل عمنحرك لتجمد منحطلا ملح وفلفل ابيض ومنحط الصلصة فوق القطع المقلية
ومنقلي جنبا بطاطا  وممكن نعمل خضار سوتيه  او بطاطا بوريه
وصحة وهنا
جربوها وخبروني بالنتائج 

عالأغلب الفطر لتمييز الصلصة عن البشاميل العادي أو للزينة :-)
وهو اختياري طبعا